(26 de febreiro de 2026). Galiza sen gas sumouse, xunto con máis de 100 organizacións do Estado español, á declaración “Por unha transición xusta dos combustíbeis fósiles”. Nela pídese que o Goberno estatal se implique a fondo no impulso dun tratado internacional para promover a eliminación planificada, rápida e xusta dos combustíbeis fósiles, a maior causa da emerxencia climática.
(8 de xaneiro de 2026). Cos datos dispoñíbeis até setembro, pódese afirmar que 2025 foi o ano con maiores importacións españolas de gas estadounidense, exceptuando 2022. Os EUA poden ter sido o segundo maior fornecedor de gas natural a España en 2025. En Galicia seguramente tamén o foi. Un 80% do gas estadounidense é extraído mediante fracking.
(5 de decembro de 2025). Os hidrodutos de conexión coa Meseta son innecesarios e contraproducentes para unha transición enerxética rápida e xusta en Galicia. Necesitamos producir hidróxeno verde a partir de electricidade limpa para descarbonizarmos a industria galega mais non para o exportarmos masivamente a través do proxecto H2Med.
(4 de xuño de 2025). Un informe de Gas no es solución revela a alta dependencia española do gas fósil ruso e estadounidense, con importacións que medraron sustancialmente a partir de 2019, con grandes impactos socioambientais nos territorios de extracción.
(8 de maio de 2025). O gas natural licuado (GNL) importado por Galicia durante 2024 a través da regasificadora de Reganosa en Mugardos procedeu un ano máis de forma case exclusiva de Rusia e dos Estados Unidos de América (EUA). A maioría do extraído nos EUA obtense mediante a moi impactante técnica do “fracking”, prohibida no Estado español.
(12 de febreiro de 2025). Galiza sen Gas presenta o informe “Gas natural, o combustíbel fósil que atrasou a transición enerxética”, sobre o papel do gas fósil en Galicia. Desde a súa introdución a finais da década de 1990, o gas fósil converteuse nunha das nosas principais fontes de enerxía, competindo co desenvolvemento renovábel.
Informe da plataforma Galiza sen Gas sobre o papel do gas fósil no sistema enerxético de Galicia. A sobrecapacidade da infraestrutura gasista favoreceu o uso desproporcionado do gas fósil, atrasando a transición enerxética.
(31 de xaneiro de 2025). A planta de regasificación de Reganosa na ría de Ferrol, ademais de contribuír á crise climática ao actuar como vía de aprovisionamento de gas natural licuado, provoca contaminación por NO2 do aire da súa contorna.
(19 de decembro de 2024). Galiza sen gas, xunto con outras organizacións ibéricas, expresa a súa grave preocupación polo proxecto H2Med, que permitiría a exportación de hidróxeno (H2) desde a Península Ibérica a Europa Central e ameazaría a transición enerxética. O hidroduto Guitiriz-Zamora, promovido por Reganosa e Enagás, encaixaría no H2Med.
(22 de novembro de 2024). Coincidindo co remate da COP29, Galiza Sen Gas reclama elaboración dunha estratexia galega de enerxía e clima para reducir progresivamente a transformación e o consumo de combustíbeis fósiles até a súa eliminación definitiva antes de 2040. Abandonado xa o carbón en 2023, o seguinte combustíbel fósil a eliminar é o gas natural, en 2035 a máis tardar.